CERITA HUMOR

DICIPOAIN CEWEK IDAMAN

oleh : Oesman Doblank
      KOMENG udeh janji, kagak bakal maenin Nurlela. Sebab, Nurlela lebih cakep dari Mumun, pacar ketiga, nyang sengaja die putusin, lantaran keteknye yang cuma ngejamin  bau asem, kagak juga mau dioba tin. Padahal, Komeng udeh kasih biaya buat ngobatin ketek Mumun nyang bau asem. Eeh, nyang namanye Mumun, bukan buru-buru ngerenovasi keteknye, malah gunain duit dari Komeng buat ngobatin enyaknye nyang pantatnye bisulan, lantaran ngedudukin bantal warisan kakeknye.
            Lantaran ngorup duit buat biaya ngerenovasi ketek, mau kagak mau, Komeng outin Mumun. Begitu dapet Nurlela, Komeng langsung janji, kagak bakal lagi kepincut sama cewek lain.            “ Ogud cuman kepengen nyandarin cinta di pelabuhan hati dikau, Nurlela “

1.             Komeng kagak bakal lupa sama kalimat nyang diucapin sepenuh hati, saat Nurlela dan Komeng saling berjanji, buat ngejalin cinta tanpa ada dusta atau cipoa di antara mereka.
2.             Tentu aje, Nurlela percaya setengah koit.
3.             Komeng juga begitu.
4.             Cuma, entah setan dari mane nyang ngebujuk Komeng, supaya die ngelesin cewek becelana jeans nyang kaosnye warna pink. Waktu entu, emang lagi hujan gerimis. Waktu sama-sama neduh dan masih gerimis, Komeng emang cuwek bebek. Tapi, waktu hujan mulai deres, dan tuh cewek nanyain waktu, Komeng nyang seudeh ngeliat jam, lantas ngejawab baru jam empat, tuh cewek keliatan kuatir.
5.             “ Emang mau ke mane?” Kate Komeng nyang langsung nanya. Lantaran kepingin tau kenapa tuh cewek keliatan kuatir. Tujuannye sih nggak lebih dari basa basi alias timbang kagak nanya.
6.             “ Mau ke rumah mpo,” kata tuh cewek, nyang keliatan makin kuatir, sambil sesekali ngeliat ke sebelah kanan. Boleh jadi, ngira ada metro mini nyang emang paling diarepin.
7.             “ Aduuuh, mana acaranye jam empat. Mati deh, gue,” si cewek  ngegerundel.
8.             Kalo aje gerundelannye Cuma di ati, nggak bakal kedenger orang. Lantaran kenceng, Komeng nyang jelas ngedenger nyoba nawarin jasa. Emang nggak langsung nawarin.
9.            “ Eeh, jangan mati dulu. Masa’ orang cakep mau cepet cepet mati, “ kate Komeng, nyang komennye spontan alias kagak perlu mikir
10.            “ Soalnya, udeh telat. Ulang taon keponakan aye, mulainnye jem empat “
11.            “ Waaah, mesti cepet-cepet nyari taksi, tuuh?”
12.            “Jangan kate taksi. Metro mini aje belon ada nyang lewat ?”
13.            “ Emangnye di mane, sih, rumah mpoknye?”
14.            “ Yaa, lumayan jauh. Cuman, ape boleh buat deh, kalo emang nyatanye udeh telat “
15.           “Terus, batal, dong ngehadirin ulang taon kepona kan ?”
16.           “Iye, sih. Tapi, biar aje, deh. Mpok aye pasti maklum. Lagian, kalo sekarang aye belon sempet beli kado. Kalo besok, kan, bisa sekalian bawain kado “
17.          “ Kalo gitu, seudeh ujan berenti,  langsung ke mall  aje ?” Komeng jadi ketarik buat lebih akrab.
18.          “Ke mall? Ngapain ? Lagian, mana enak ke mall sendirian. Ntar, disangka abg nyang mau ngetem, lagi. Iiih, emangnye aye angkot, suka ngetem “
19.          “ Kalo nggak enak sendirian, abang siap anterin ?”
20.          “Belon kenal masa udeh mau nganterin. Enak aje,” kate si cewek nyang tentu aje cakepnye, kagak kalah sama Nurlela. Komeng, langsung nangkep peluang. Tanpa ragu, ia pun langsung bilang.
21.          “ Oooh iyee, kite belon kenal, yee. Syet deh, kok abang jadi bloon, sih? Tapi, timbang terus bloon, gimana kalo kita kenalan ?“
22.         Tanpa ragu, Komeng nyodorin tangan. Syet, deh, bener-bener pucuk dicinte uler pun nyampe. Die nyam but ajakan Komeng. Tanpa ragu nyodorin tangan. Lang sung aje Komeng nyamber. Komeng ngerasa ada nyang bedesir, waktu genggam tangan Zubaedah.
23.          “ Komeng,” tanpa ragu, Komeng nyebut namanye
24.          “ Zubaedah,” kata tuh cewek nyebut namanye .
25.          Nggak lama, Komeng udeh beduaan di mall bareng Zubaedah. Mestinye, Komeng kagak perlu nra ktir Zubaedah. Sebab, kagak minta ape-ape. Tapi, lan taran mau enak ngobrol, Komeng ngajak ke es teller 987, nyang juga nyediain bakso .
26.           Mestinye lagi, Komeng kagak perlu ngeluarin duit buat bayar kado. Sebab, Zubaedah nyang seudeh di traktir ngebakso ples ngembat es teller, ngajak ke toko maenan anak, udeh mau bayar harga mobil-mobilan nyang cuma  tiga ratus ribu perak. Tapi, Komeng malah berbisik mesra.
27.           “ Bedah, nggak perlu ngeluarin duit. Biar aje abang yang bayar ?”
28.           Zubaedah, bukan kagak kaget. Tapi, lantaran ngehargain niat baik Komeng, die ngebiarinin Komeng ngebayarin mobil-mobilan nyang lantas dibungkus rapi sama sang pelayan.
29.           Cuman, keluar dari mall, Komeng kagak bisa maksain diri nganter Zubaedah, pake motor ke rumahnye. Sebab, ngedadak Nurlela ngebel. Komeng buru-buru ngelayanin panggilan Nurlela. Jadinye, Komeng ku atir. Takut ketauan udeh punya pacar. Makanye, waktu Zubaedah nanya, Komeng ngaku yang ngebel adiknye.
30.          “ Ade ape ade ketemu seudeh gede ?”
31.          “Kagak percaye? Telepon aje. Nih nomornye?” Komeng terpaksa berjibaku. Dia yakin, cewek nyang baru kenal, kagak bakal tau kalo dicipoain. Kalo pun nekad ngehubungin Nurlela pake HPnye, paling ketauan. Yaa, kalo udeh ketauan, kan bisa bilang, lebih cinta sama Zubaedah.
32.          Bagusnye, Zubaedah lantas kagak ngotot. Die bilang, percaya. Makanye, tetap ngasih alamat meski Komeng kagak bisa nganterin pulang lantaran mesti jemput adenye di kampus. Padahal, Komeng mesti cepet-cepet nyamper Nurlela, yang lagi nganterin mpoknye ke rumah dukun beranak. Mpoknye nyang udeh hamil gede, ngedadak mules dan ngaku kepengen beranak.
33.         Komeng lega, lantaran Zubaedah kagak marah dan udeh ngasih alamat. Komeng lantas janji bakal maen ke rumah Zubaedah.
34.         “ Pokoknye, kalo diizinin, abang pasti maen ke rumah Bedah. Entu juga kalo diijinin. Kalo kagak diijinin, tolong maafin abang, semisal tiap malem abang sengaja ngimpiin Zubaedah “
35.         “Iiiih abang. Mau maen, siapa nyang larang. Lagian, Bedah seneng, kok,  nerima kedatengan abang “:
36.         Komeng makin kesengsem sama Zubaedah, nyang seudeh ngucapin “sampai jumpa” lantas ngesun pipi Komeng . Saat udeh di taksi, Zubaedah juga nyempetin ngedadahin, dengan gayanye nyang manja.
37.         Makanye, Komeng berusaha cari dan curi kesempatan supaya bisa maen ke rumah Zubaedah. Sialnye, Komeng kagak bisa komunikasi jarak jauh, lantaran kelupaan minta nomor hpnye. Sialnye lagi, Nurlela terus minta dianter ke rumah mpoknye, nyang baru aje bera nak.
38.         “ Abang sih, bukan, bosen, nih. Cuman, kalo setiap hari nganter ke rumah mpoknye Lela, kapan kita bisa asyik beduaan ?” akhirnye, Komeng ngomong terus terang
39.         “Abang gimane, juga, sih?. Baru diminta tolong nganter segitu aje, udeh nggak rela ?”
40.         “ Abang bukan kagak rela. Cuma, ape kagak bosen, tiap ari ngelongok bayi? “
41.         “ Kenape Lela mesti bosen? “
42.         Komeng kagak nyangka, kalo lagi ngambek, Nurlela ngeselin. Jadi galak kagak keruan.
43.         “ Yee, udeh. Nggak usah emosi, gitu.”
44.         “ Abang nggak usah belagak nyesel, deh. Kalo emang bosan nganter, gak ape-ape, kok. Bosen ama Lela, tapi nggak berani terus terang, juga kagak jadi soal. Pokoknye, mau lanjut silahkan. Mau putus silahkan “
45.         Nurlela, malah tambah galak. Pake nantangin lagi. Bikin Komeng nyang lagi kesengsem sama Zubaedah, cepet sewot.
46.         “ Yee, emangnye abang kagak bisa mutusin, Lela.
47.         Emangnye, abang kagak bisa dapetin cewek nyang lebih kece dari Lela. Bisa, kok. Cuman, kan, abang udeh janji nggak bakalan ninggalin dan nggak bakalan nyimpen dusta diantare kita ?”
48.        “ Aaaah, hari gini malah ngegombal. Bilang terus terang, sekarang mau tetap anter Lela dan tetap ngerajut hubungan, ape sebaliknye ?”
49.        Komeng, akhirnye milih emosi. Tanpa ragu, lantas nyeplosin kata, die lebih siap pisah dan ninggalin Nurle la.Sebab, sebagai lelaki kagak mau dibudakin cewek, nyang tiap harinye cuma hobi nengokin nyang baru aje lahir ke dunia.
50.        Nyesel kagak nyesel, Komeng berani ambil keputusan. Soalnye, saat berantem, wajah Zubaedah nyang juga kece, muncul, muncul dan muncul sambil ngelemparin senyuman manisnye.
51.        Duuh, putus, deh.
52.        Tapi, Komeng kagak lagi mikirin Nurlela. Nyang sekarang ada di pikiran Komeng, cuman Zubaedah. Besok sorenye, Komeng ngeluncurin motornye ke Jalan Rindu Dendam gang Cinta Buta. Begitu ngeliat nomor empat tiga, Komeng ngerem motornye.
53.        Komeng langsung nyabut kunci kontak seudeh stan darin motornye. Tanpa ragu, mencet bel. Hatinye dag dig dug. Ngarepin buanget, cinta Zubaedah langsung nyeruduk.
54.        Komeng sempet kesel, lantaran nyang nongol dari dalem rumah, lelaki berambut cepak, badannye beotot kayak Ade Ray.
55.        “ Bokapnye, kali.” Kata Komeng dalem ati.
56.        Komeng yakin, cowok nyang ngebukain pager masih keluarga Zubaedah. Kalo kagak bokapnye, pasti abang atawa encangnye. Buktinye, dia kagak nanya tapi langsung bukain pager. Komeng buru-buru ambil motor Langsung masukin ke halaman rumah Zubaedah.
57.        “ Katanye mau dateng pagi, kok, sore baru muncul?” Tanya lelaki berambut cepak, begitu Komeng kelar markirin motor di halaman rumah Zubaedah.
58.        “ Kayaknye, saya nggak janji mau dateng pagi, deh ?” kata Komeng. Tentu aje dia pake ngerasa bingung. Sebab, nggak pernah janji, kok, disangka mau dateng pagi?
59.        “ Anda petugas dealer motor yang mau nagih cicilan motor, kan?” Tanya lelaki cepak, yang kagak nyoalin jawaban Komeng.
60.        “ Saya bukan tukang tagih, oom. “ Komeng buru-buru ngejelasin. “ Saya Komeng. Minggu kemaren, udeh jalan bareng sama Zubaedah ke mall. Biasa, oom, anak muda. Naah, sekarang, saye nepatin janji mau ngapelin. Nggak ape-ape, kan, oom ?”
61.        “ Nggak apa-apa. Cuma, jangan-jangan kamu salah alamat,” kata cowok rambut cepak.
62.       “ Salah alamat? “ Komeng bergumam. Lantas, cepet-cepet ngeluarin secarik kertas. “ Rasa-rasanye saya nggak salah alamat, deh, oom “ kata Komeng, sambil nyodorin kertas ke lelaki cepak.
63.      Lelaki cepak membaca tulisan di kertas. Kagak ada yang salah. Memang, tamunya sudah berada di jalan Rindu Dendam Gang Cinta Buta nomor empat tiga.
64.      “ Bedaaah. Zubaedaah “ Lelaki cepak langsung berte riak, memanggil Zubaedah. Komeng kagak curiga, tapi ngerasa lega lantaran bentar lagi ketemu cewek nyang bi kin dia kesengsem.
65.      Komeng baru kaget, setelah yang dipanggil Zubaedah nongol dari dalam rumah.
66.      “ Papi sayaang. Ada apa sih, manggil manggil Bedah,” tanyanya. Dan begitu ngeh ada orang laen, Zubaedah  kaget. Gak nyangka kalau ada tamu. Komeng lebih kaget. Nggak nyangka kalo Zubaedah nyang keluar dari dalam rumah, bukan Zubaedah nyang nongol terus di pelupuk mata Komeng.
67.      “Benar, minggu kemaren mami jalan berduaan ke mall sama dia ?”
68.      “Waaah, enak aja. Kenal aja nggak, sudah berani Vietnam, eeh, fitnah saya ?”
69.      “ Benar kamu minta sama dia supaya diapelin?”
70.      “Idiiiih, sembarangan. Ngeliat mukanye aja baru detik ini, lantas kapan sempatnya bilang minta diapelin?” Sahut Zubaedah yang kesal lantaran merasa difitnah secara beruntun
71.     Sebenarnya, Komeng pengen buru-buru ngejelasin. Pengen klarifikasi agar semua jadi jelas. Maksudnya, agar tuan rumah tau, ngerti dan paham, telah terjadi salah sasaran dan salah paham. Tapi, berhubung Komeng terlanjur gugup saat bertemu Zubaedah yang bukan Zubaedah yang ia kenal dan sempat ngesun pipi nya, dan lelaki cepak juga sudah terlanjur emosi karena isterinya telah difitnah secara membabi buta.
72.     Yang kemudian terjadi, bak bik buk bek bok. Komeng nggak sempat nangkis, lantaran nangkis tonjokan tangan kanan lelaki cepak, nggak taunya, tendangan kakinya yang begitu cepat melaju ke perut sulit dihindarin. Akhir nya, yaaaa, Komeng babak belur. Mukanye bonyok kagak keruan.
73.     Untung, Zubaedah, meski sambil ngejerit-jerit berhasil ngejinekin emosi suaminya. Sehingga, Komeng masih bisa diselamatkan. Juga untung, Zubaedah yang bukan Zubaedah, bergegas menjelaskan dengan baik ke hadapan massa yang ngedadak bermunculan. Kalo nggak, Komeng, pasti makin babak belur digebukin oleh massa yang mendadak berdatangan, bersama emosinya nyang mesti kagak disetel sinyalnye langsung naik ke ubun ubun
74.       Komeng kagak sempet ngeliat Zubaedah asli nyang sebenarnya bernama Marlina, nyang senyam-senyum sendirian, di satu tempat, nggak jauh dari rumah nomor empat tiga
75.      .“ Rasain, lu. Emang enak, gue kerjain “ Gumam Marlina, nyang kagak berani ngakak. Sebab kalo ada nyang nanya “ Kenapa ngeliat orang apes malah ngakak?” Dia pasti kesulitan menjawab. Timbang ketauan abis cipoain orang, kan, lebih baek senyam senyum sendirian. Kalau ada yang sempat melihat dan mengira ia gokil, nggak apa-apa. Yang penting, sukses ngerjain cowok mata keranjang
76.       Komeng nyang pulang dengan sejuta sesal, sembari ati-ati bawa motornye, cuma bisa ngegerutu
77.      “ Gue pikir cewek idaman,nggak taunye cewek sialan.Nasiib, nasib.....Nurlela yang cantik dan kayaknya cukup setia, sudah lepas dari pelukan.  Zubaedah yang diharapkan jatuh ke dalam pelukannya pun, ternyata melayang.terbang dan hanya jadi bayang bayang. Entah kemana sosok yang membuat Komeng babak belur itu menghilang..